ԻՆՉՊԵՍ ԴԱՌՆԱԼ ՈՍՏԻԿԱՆ
ԻՆՉՊԵՍ ԴԱՌՆԱԼ ՓՐԿԱՐԱՐ

Վերադառնալ
04.11.2026

Հանդիպումներ Կրթահամալիրի ամբիոնների անձնակազմերի հետ․ քննարկվում են կրթության որակի բարելավմանն առնչվող հարցեր

Հանդիպումներ Կրթահամալիրի ամբիոնների անձնակազմերի հետ․ քննարկվում են կրթության որակի բարելավմանն առնչվող հարցեր

  Սույն թվականի հոկտեմբերին ՀՀ ՆԳՆ կրթահամալիրի ռեկտորի գլխավորությամբ կայացել է Կրթահամալիրի ամբիոնների անձնակազմերի հետ հանդիպում-քննարկումների շարքը։

  Հանդիպումների ընթացքում քննարկվել են կրթական գործընթացի կազմակերպման և որակի շարունակական բարելավման, ուսումնական ծրագրերի արդյունավետ իրականացման, դասախոսական կազմի և աշխատակիցների աշխատանքային պարտականությունների պատշաճ կատարման, ինչպես նաև մասնագիտական կարողությունների զարգացմանն ու աշխատանքային արդյունավետության բարձրացմանն առնչվող մի շարք կարևոր հարցեր։

 Առանձնահատուկ ուշադրություն է դարձվել առկա խնդիրների բացահայտմանը, դրանց լուծմանն ուղղված գործնական առաջարկների մշակմանը, ամբիոնների գործունեության բարելավման հնարավորություններին և կրթական գործընթացում միասնական բարձր չափանիշների ապահովմանը։

   Քննարկումների կարևոր բաղադրիչն են հանդիսացել նաև ամբիոնների անձնակազմերի ներկայացուցիչների առաջարկություններն ու դիտարկումները, որոնք հնարավորություն են տվել առավել ամբողջական պատկերացում կազմելու առկա կարիքների, զարգացման հնարավորությունների և առաջնահերթությունների վերաբերյալ։

 Նման ձևաչափով աշխատանքային քննարկումները միտված են կառավարման արդյունավետության բարձրացմանը, ներքին համագործակցության ամրապնդմանը և Կրթահամալիրում կրթության որակի շարունակական բարելավմանը։

   Կրթության որակը, մասնագիտական պատասխանատվությունն ու շարունակական զարգացումը Կրթահամալիրի գործունեության կարևոր առաջնահերթություններն են։