2014թ. մայիսի 6-ից մինչև մայիսի 9-ը ՀՀ ոստիկանության կրթահամալիրի պատվիրակությունը աշխատանքային այցով մեկնել էր ՌԴ ՆԳՆ Վոլգոգրադի ակադեմիա: Պատվիրակության կազմում էին ՀՀ ոստիկանության կրթահամալիրի ակադեմիայի պետի տեղակալ, ոստիկանության գնդապետ Վ.Մինասյանը, լեզուների ամբիոնի դասախոս, ոստիկանության ավագ լեյտենանտ Գ.Ռուսակովան և ուսումնական գործընթացի կազմակերպման և զարգացման բաժնի տեսուչ, ոստիկանության լեյտենանտ Մ.Կարապետյանը:
Այցի ընթացքում պատվիրակությունը ծանոթացել է Վոլգոգրադի ակադեմիայի նյութատեխնիկական բազայի, դաստիարակչական աշխատանքների, ուսանողների և դասախոսների հետ տարվող հոգեբանական և վերականգնման աշխատանքների կազմակերպման հետ, ինչպես նաև ուշադրության է արժանացել միջազգային համագործակցության խնդիրը: