Մայիսի 23-ին Երևանում ուժեղ քամու հետևանքով առաջացած վնասները նկատելի են եղել քաղաքի տարբեր հատվածներում։ Անմասն չի մնացել նաև ՀՀ ոստիկանության կրթահամալիրը։ Փոթորիկի հետևանքով պոկվել է կրթահամալիրի ակադեմիայի շենքի տանիքը։
ՀՀ ոստիկանության կրթահամալիրի պետի  հրահանգով և անմիջական վերահսկողությամբ համապատասխան ծառայությունները ձեռնամուխ են եղել քամու հետևանքով առաջացած վնասների շուտափույթ վերացմանը։