Նորություններ
ՎերադառնալԼեհ փորձագետների հերթական այցը ՀՀ ոստիկանության կրթահամալիր
![Լեհ փորձագետների հերթական այցը ՀՀ ոստիկանության կրթահամալիր Լեհ փորձագետների հերթական այցը ՀՀ ոստիկանության կրթահամալիր](/resources/policeacademy/img/news/big/1477459510,3334.jpeg)
Արևելյան գործընկերության ոստիկանական համագործակցության ծրագրի շրջանակներում 2016թ. հոկտեմբերի 17-ից 21-ը ՀՀ ոստիկանության կրթահամալիրում կայացավ «Մասնագիտական էթիկա և կոռուպցիայի դեմ պայքար» թեմայով սեմինար ոստիկանության համապատասխան ստորաբաժանումների ծառայողների համար: Սեմինարը վարում էին Լեհաստանի Հանրապետության ՆԳՆ փորձագետներ Ռոբերտ Օպոզդան, Կատարժինա Սալախնա-Կոնստանչիուկը և Բեատա Բուչեկը:
Բացման խոսքում կրթահամալիրի պետի առաջին տեղակալ, ոստիկանության գնդապետ Տիգրան Եսայանը, ողջունելով միջոցառման մասնակիցներին, հույս հայտնեց, որ ձեռք բերված գիտելիքները արդյունավետ կլինեն ամենօրյա աշխատանքում:
Լեհ փորձագետները ներկայացրեցին Լեհաստանի ոստիկանության կառուցվածքը, աշխատանքի ընդունման գործընթացը, էթիկայի կանոնները և ոստիկանության գործունեության ներքին վերահսկողության համար պատասխանատու գերատեսչությունների կառուցվածքն ու գործելակերպը: Ձեռք բերված գիտելիքներն ամրապնդվեցին թիմային գործնական վարժություններով:
Միջոցառման ավարտին մասնակիցներին տրվեցին ավարտական հավաստագրեր: