Հանդիսավոր քայլերթ, զինվորական ողջույն և սրտատրոփ սպասող շրջանավարտներ։

  2019թ. հուլիսի 26-ին ՀՀ ոստիկանության կրթահամալիրում տեղի ունեցավ ակադեմիայի իրավագիտության ֆակուլտետի առկա ուսուցման բակալավրիատի 2018-2019 ուստարվա շրջանավարտների դիպլոմների հանձնման հանդիսավոր արարողությունը:

  Շրջանավարտներին շնորհավորելու էր եկել ՀՀ ոստիկանության պետ, ոստիկանության գեներալ-մայոր Վալերիյ Օսիպյանը: Նա շնորհավորական ուղերձ հղեց ակադեմիայի իրավագիտության ֆակուլտետի առկա անվճար ուսուցման բակալավրիատի 2018-2019 ուստարվա շրջանավարտներին, ապա՝ ՀՀ ոստիկանության կրթահամալիրի պետ, ոստիկանության գեներալ-մայոր Մ․ Բաբայանի հետ հանդիսավոր պայմաններում հանձնեց դիպլոմները։  Կարմիր դիպլոմի արժանացավ երկու շրջանավարտ։

  Տոնական տրամադրությունը տեղափոխվեց կրթահամալիրի ակումբ, որտեղ տեղի ունեցավ ակադեմիայի իրավագիտության ֆակուլտետի առկա վճարովի ուսուցման բակալավրիատի 2018-2019 ուստարվա շրջանավարտների դիպլոմների հանձնման արարողությունը:

  Ողջունելով ներկաներին՝ կրթահամալիրի պետը շնորհավորեց նործընծա իրավագետներին և բարի երթ մաղթեց նրանց հետագա բոլոր նկրտումներում:          Միջոցառման ավարտին 2018-2019 ուստարվա շրջանավարտների անունից շնորհակալական խոսք հղեց Անահիտ Բադալյանը:

  Կարմիր դիպլոմի արժանացավ յոթ շրջանավարտ։ 

  Այսօրվանից Կրթահամալիրի շրջանավարտների համար կյանքի մի նոր ուղի է սկսվում։ Ուսումնառության չորս տարիների ընթացքում նրանք սովորեցին դառնալ գիտելիքներով հարուստ մասնագետներ, իսկ ձեռք բերած հմտությունները կկիրառեն արդեն իրենց աշխատանքում։ Բարի երթ, սիրելի՜ շջանավարտներ։