Նորություններ
Վերադառնալ24.06.2013
ՀՀ ոստիկանության կրթահամալիրի ակադեմիայի իրավագիտության ֆակուլտետի մագիստրատուրայի առկա ուսուցման առաջին շրջանավարտներին դիպլոմների հանձնման հանդիսավոր արարողությունը
![ՀՀ ոստիկանության կրթահամալիրի ակադեմիայի իրավագիտության ֆակուլտետի մագիստրատուրայի առկա ուսուցման առաջին շրջանավարտներին դիպլոմների հանձնման հանդիսավոր արարողությունը ՀՀ ոստիկանության կրթահամալիրի ակադեմիայի իրավագիտության ֆակուլտետի մագիստրատուրայի առկա ուսուցման առաջին շրջանավարտներին դիպլոմների հանձնման հանդիսավոր արարողությունը](/resources/policeacademy/img/news/big/1372230978,9516.jpeg)
2013 թվականի հունիսի 24-ին ՀՀ ոստիկանության կրթահամալիրում տեղի ունեցավ ակադեմիայի իրավագիտության ֆակուլտետի մագիստրատուրայի առկա ուսուցման առաջին` թվով 7 շրջանավարտներին դիպլոմների հանձնման հանդիսավոր արարողությունը, որին ներկա էին ՀՀ ոստիկանության պետի տեղակալ, ոստիկանության գեներալ-մայոր Արթուր Օսիկյանը, ՀՀ ոստիկանության կրթահամալիրի պետ, ոստիկանության գեներալ-լեյտենանտ Հովհաննես Վարյանը, պրոֆեսորադասախոսական կազմը և շրջանավարտների ծնողները:
![](http://edupolice.am/images/000283.jpg)
ՀՀ ոստիկանության պետի տեղակալ, ոստիկանության գեներալ-մայոր Արթուր Օսիկյանը շնորհավորելով շրջանավարտներին` մասնավորապես նշեց, որ մագիստրոսական կրթական ծրագրով ուսուցումը կազմակերպվել և իրականացվել է ՀՀ ոստիկանության կրթական ոլորտում իրկանացվող բարեփոխումների շրջանակներում և հույս հայտնեց, որ կրթահամալիրում ստացած գիտելիքները առաջին շրջանավարտներն առվեագույնս կօգտագործեն հանցա¬վորության հակազդման, քաղաքացիներին մատուցվող ծառայությունների որակի բարձրացման, օրինականության ամրապնդման գործում:
![](http://edupolice.am/images/000280.jpg)
![](http://edupolice.am/images/000280.jpg)
![](http://edupolice.am/images/000281.jpg)
Իր շնորհավորանքի խոսքը հղեց նաև ՀՀ ոստիկանության կրթահամալիրի պետ, ոստիկանության գեներալ-լեյտենանտ Հովհաննես Վարյանը` շեշտելով, որ կրթահամալիրի ղեկավարությունը ուրախ կլինի ստացած գիտելիքները ծառայության ընթացքում գործնականում հարստացրած մագիստրոսներին տեսնելու կրթահամալիրի պրոֆեսորադասախոսական կազմի շարքերում:
![](http://edupolice.am/images/000282.jpg)
![](http://edupolice.am/images/000285.jpg)
Այնուհետև տեղի ունեցավ դիպլոմների հանձնման հանդիսավոր արարողությունը: Մագիստրատուրան գերազանցությամբ ավարտված շրջանավարտ Լալա Գրիգորյանը իր շնորհակալական խոսքում նշեց, որ ՀՀ ոստիկանության կրթահամալիրում բոլոր պայմանները ստեղծված են հավուր պատշաճի կրթություն ստանալու համար և շնորակալություն հայտնեց ՀՀ ոստիկանության ղեկավարությանը, ոստիկանության կրթահամալիրի պետ, ոստիկանության գեներալ-լեյտենանտ Հովհաննես Վարյանին և իրենց դասավանդած պրոֆեսորադասախոսական անձնակազմին` առանձնահատուկ հոգատարության և ուսումնական գործընթացը իրենց ուշադրության կենտրոնում պահելու համար:
![](http://edupolice.am/images/000284.jpg)
ՀՀ ոստիկանության կրթահամալիր