Ս/թ. հուլիսի 6-ին Եվրոպական ոստիկանական քոլեջի (CEPOL) Ոստիկանական փոխանակման եվրոպական ծրագրի շրջանակներում ՀՀ ոստիկանության Երևան քա­ղաքի վարչության ՊՊԾ գնդի 4-րդ հատուկ գումարտակի հրամանատար, ոստի­կա­նու­թյան մայոր Գ. Խաչատրյանի և գումարտակի հրամանատարի ծառայության գծով տե­ղակալ, ոստիկանության փոխգնդապետ Ա. Խուդինյանի ուղեկցությամբ ՀՀ ոստի­կա­նության կրթա­հա­մա­լիր էր այցելել Մոլդովայի Հանրապետության ՆԳՆ ազգային պա­րեկային ծառայության պետի տեղակալ, ոստիկանության գնդապետ Լիվի Բազիուկը: Այցի շրջանակներում տեղի ունեցավ հանդիպում ՀՀ ոստիկանության կրթահամալիրի պետ, ոստի­կա­նու­թյան գեներալ-լեյտենանտ Հովհ. Վարյանի, կրթահամալիրի ուսում­նամեթոդական և զարգացման վարչության պետ, ոստիկանության գնդապետ Գ. Գևորգյանի և Ոստիկա­նական փոխանակման եվրոպական ծրագրի ազգային հա­մա­կարգող, ոստիկանության մայոր Ռ. Մարանդյանի հետ: Լիվի Բազիուկը ծանոթացավ կրթահամալիրի կա­ռուց­վածքին, ուսումնական գործընթացի կազմակերպման առանձ­նահատկություններին և ոստիկանական կադրերի պատրաստման առաջավոր փոր­ձին, որից հետո տեղի ունե­ցավ շրջայց կրթահամալիրի տարածքում: