Եվրոպական ոստիկանական քոլեջի (CEPOL) Ոստիկանական փոխանակման 2016 թ. եվրոպական ծրագրի շրջանակներում ս/թ. հունիսի 6-10-ը ՀՀ ոստի­կա­նու­թյան կրթահամալիր էր այցելել Ուկրաինայի Հանրապետության ՆԳՆ Օդեսայի պե­տական համալսարանի քրեական իրավունքի ամբիոնի դասախոս, իրավաբանական գիտություն­նե­րի թեկնածու, ոստիկանության մայոր Գաննա Սոբկոն: Հյուրընկալման պլանով նախատեսված միջոցառումների շրջանակներում հունիսի 6-ին Գաննա Սոբ­կոն հանդիպեց ՀՀ ոստիկանության կրթահամալիրի պետ, ոստիկանության գենե­րալ-լեյտենանտ Հովհաննես Վարյանի, կրթահամալիրի պետի առաջին տեղակալ, ի­րավաբանական գիտությունների թեկնածու, ոստիկանության գնդապետ Տիգրան Ե­սայանի, ինչպես նաև` կրթահամալիրի ուսումնական հաստատությունների ղեկա­վարների հետ: Հանդիպումների ընթացքում քննարկվեցին կրթահամալիրի կառուց­վածքին, կրթական ծրագրերին, գործունեության հեռանկարներին վերաբերող հար­ցեր: Հունիսի 7-ին Գաննա Սոբկոն այցելեց ՀՀ ոստիկանության կրթահամալիրի ա­կադեմիայի իրավագիտության ֆակուլտետի քրեական իրավունքի և քրեաբանու­թյան ամբիոն, որտեղ ընդհանուր գծերով ծանոթացավ ՀՀ քրեական օրենսգրքին, ինչպես նաև` հոգեկան բռնության դեմ պայքարի ներպետական քրեաիրավական կարգավորումներին: Հունիսի 8-ին տեղի ունեցավ Գաննա Սոբկոյի հանդիպումը կրթահամալիրի ակադեմիայի իրավագիտության ֆակուլտետի պետության և իրա­վունքի տեսության և սահմանադրական ի­րավունքի ամբիոնի պրո­ֆեսորադասա­խո­սական կազմի հետ: Հանդիպման ընթացքում ամբիոնի կողմից ներկայացվեցին Մարդու իրավունքները և ոստիկանությունը դասընթացի հի­մունքները, ինչպես նաև` ազատության, անվտանգության և արդարադատության ներպետական օրենս­դրական կարգավորումները: Հունիսի 9-ին Գաննա Սոբկոն հյուրընկալվեց ՀՀ ոստի­կանության ՔՀԳՎ Անչափահասների իրավունքների պաշտպանության և ընտանե­կան բռնության դեմ պայքարի վարչությունում, որտեղ վարչության պետ, ոստի­կա­նության գնդապետ Նելլի Դուրյանը ներկայացրեց ընտանեկան բռնության դեմ պայ­քարի օրենսդրական գործիքները և նշված ոլորտում Հայաստանի Հանրապե­տու­թյան փորձը: Հունիսի 10-ին տեղի ունեցավ այցի արդյունքների ամփոփումը: Հյու­րընկալման պլանով նախատեսված մշակութային միջոցառումների շրջանակնե­րում Գաննա Սոբկոն այցելեց Հայոց ցեղասպանության զոհերի հու­շահամալիր, ՀՀ ոս­տի­կանության թանգարան, Հայաստանի պատմության թանգա­րան և Մայր Աթոռ Սուրբ Էջմիածին: