Չարենցը՝ մեծ ու անվանի, այսօր հյուրն է մեր բոլորի:

Եվ եթե նա այստեղ կանգներ,

Մեզ բոլորիս, անշուշտ կասեր.

-Ինչքան որ հուր կա իմ սրտում- բոլորը քեզ, 

Ինչքան կրակ  ու վառ խնդում-բոլորը քեզ,

Բոլորը տամ ու նվիրեմ  ինձ ոչ մի հուր թող չմնա՝

Դու չմրսես ձմռան ցրտում,- բոլորը քեզ: 

Հենց այս գեղեցիկ տողերով էլ սույն թվականի մայիսի 3-ին ՀՀ ոստիկանության կրթահամալիրի ակումբում սկսվեց միջոցառում նվիրված հայ մեծանուն բանաստեղծ Եղիշե Չարենցին։

1897թ. 13-ը մարտի ծնունդը եղավ հանճարի, Սողոմոնյան Եղիշե Աբգարի: Հանճար․ այսպես կարել է բնութագրել Եղիշե Չարենցին: Նրա կյանքի ուղին կարճ էր ինչպես ասուպի հետնագիծը, որ դիտվում է երկրից, բայց որքան սրտեր բոցավառվեցին հրից այդ ուղու և որքան էլ պիտի դեռ այրվեն:

Միջոցառմանը ներկա էին մեծն բանաստեղծի թոռը՝ ՀՀ ոստիկանության կադրերի վարչության պետի տեղակալ, ոստիկանության գնդապետ Արմեն Չարենցը, ՀՀ ոստիկանության կրթահամալիրի ղեկավարությունը, անձնակազմը և սովորողները։

Միջոցառման ավարտի Արմեն Չարենցը իր երախտիքի խոսքը հայտնեց մասնակիցներին: Նրա խոսքերով իր համար անսպասելի էին կրթահամալիրի սաների նման հուզական ելույթները:

ՀՀ ոստիկանության կրթահամալիրի ակումբի տեսուչ, ոստիկանության ավագ լեյտենանտ Աննա Սարուխանյանը, ՀՀ ոստիկանության կրթահամալիրի ՈԶ հրամանատարական ֆակուլտետի կրտսեր տեսուչ, կրտսեր սերժանտ Ասատուր Ասլանյանը և ՀՀ ոստիկանության կրթահամալիրի կադրերի և ԱՀՏԱ բաժնի տեսուչ Լիանա Սահակյանը կրթահամալիրի սովորողների ակտիվ մասնակցությամբ կարողացան ներկաներին ոգեշնչել չարենցյան շնչով: