ՀՀ ոստիկանության կրթահամալիրն իր ֆեյսբուքյան էջում հայտարարել էր մրցույթ, որի հաղթողներին սպասվում  էին անակնկալ նվերներ։  Մրցույթի մասնակիցները մարտի 1-ից 3-ը կայանալիք «Կրթություն և կարիերա XXI դար» EXPO 2017 միջոցառման ժամանակ պետք է նկարվեին ոստիկանական գլխարկով ՀՀ ոստիկանության կրթահամալիրի տաղավարում: Նկարները տեղադրվել էին ՀՀ ոստիկանության կրթահամալիրի ֆեյսբուքյան էջում: Մրցույթի արդյունքում  ամենաշատ հավանություն (like) ստացած մասնակիցները ճանաչվեցին հաղթողներ:

Եվ ահա՝ հասել է պահը. այսօր ՀՀ ոստիկանության կրթահամալիր հյուրընկալվել էին մրցույթի հաղթողները՝ Անահիտ Պողոսյանը, Գայանե Հակոբյանը և Սոնա Մովսիսյանը:  Հյուրերը՝ կրթահամալիրի ուսումնամեթոդական և զարգացման վարչության միջազգային համագործակցության և ՏՏ ներդրման բաժնի տեսուչների ուղեկցությամբ շրջայց կատարեցին կրթահամալիրի տարածքում. եղան Ժամանակակից մարզագույքով հագեցած  մարզադահլիճիներում, հարգանքի տուրք մատուցեցին  Ծառայողական պարտականությունները կատարելիս զոհված ոստիկանների հուշակոթողին, շրջեցին  ՀՀ ոստիկանության պատմության թանգարանում:

Հաղթողներն առիթ ունեցան ծանոթանալու  ՀՀ ոստիկանության կրթահամալիրի պետի առաջին տեղակալ, ոստիկանության գնդապետ Տ.Եսայանի հետ, ով շնորհակալություն հայտնեց  հյուրերին մրցույթին մասնակցելու համար՝ նշելով, որ նրանք առաջինն էին, որ մասնակից դարձան  և հաղթեցին ՀՀ ոստիկանության կրթահամալիրի կազմակերպած առաջին մրցույթին: Իսկ հանդիպման ավարտին  Տ. Եսայանը հյուրերին  հուշանվերներ հանձնեց ՝ հետագա հանդիպումների ակնկալիքով: