Նոյեմբերիր 8-ին Վ․Բրյուսովի անվան պետական համալսարանում տեղի ունեցավ «Ուսանողների ֆիզիկական դաստիարակության արդիականացման հիմնախնդիրները»  թեմայով գիտաժողովը։ Գիտաժողովը կազմակերպել էր Վ․Բրյուսովի անվան պետական համալսարանի ֆիզիկական կուլտուրայի և քաղաքացիական պաշտպանության ամբիոնը։ Բացման խոսքով հանդես եկավ Վ․ Բրյուսովի համալսարանի պրոռեկտոր Ս․Մանուկյանը,  որն իր խոսքում կարևորեց ուսանողների կյանքում ֆիզիկական դաստիարակության հարցը և նշեց, որ գիտաժողովն արդեն իսկ քայլերից կարևորագույնն է էլ ավելի լրջորեն այդ ուղղությամբ զբաղվելու համար։

Գիտաժողովին մասնակցում էին հայաստանյան տարբեր բուհերից։ ՀՀ ոստիկանության կրթահամալիրը ներկայացնում էին  քոլեջի մարտական և ֆիզիկական պատրաստականության  ամբիոնի պետ, ոստիկանության գնդապետ Ա․Գրիգորյանը և  Կրթահամալիրի ուսումնական կենտրոնի հատուկ պատրաստականության կրթաճյուղի դասախոս, ոստիկանության մայոր Դ․Խաչատրյանը, ովքեր ներկայացան «ֆիզիկական պատրաստություն առարկայի դասավանդման առանձնահատկությունները ՀՀ ոստիկանության Կրթահամալիրում» և «Սովորողների ֆիզիկական դաստիարակության բարելավման ուղիները» զեկույցներով։ Գիտաժողովն ամփոփվեց  արդյունավետ քննարկմամբ։