Մայիսի  30-ին  տեղի  ունեցավ  ՀՀ  ՆԳՆ  կրթհամալիրի  ուսումնական  կենտրոնի  նախնական մասնագիտական կրթության «Պարեկ» և «Քրեական ոստիկան» որակավորման դասընթացներն անցնող սովորողների «Ոստիկանության  ծառայողի  երդման» հանդիսավոր արարողությունը:  Սովորողները  ՀՀ  եռագույն  դրոշի  ներքո  հանդիսավոր  կերպով  երդվեցին հավատարիմ  լինել  Հայաստանի  Հանրապետության  սահմանադրական  կարգին,  անվերապահորեն  ղեկավարվել  օրենքներով,  պաշտպանել  հայրենիքը,  պահպանել  պետական  և  ծառայողական  գաղտնիքը, արդար  և  անկողմնակալ  իրականացնել  լիազորությունները,  ազնիվ  և  բարեխիղճ  կատարել  ծառայողական  պարտականությունները:

     Հանդիսավոր  արարողությանը  մասնակցում  էր  ՀՀ  ՆԳՆ  կրթահամալիրի  ղեկավարությունը՝  կրթահամալիրի  պետ,  ոստիկանության  գնդապետ  Մ.Մուրադյանի  գլխավորությամբ:  Մ.Մուրադյանը հիշարժան  օրվա  կապակցությամբ  սովորողներին շնորհավորեց  և  հետագա  ծառայության  մեջ  հաջողություններ  մաղթեց,  որից հետո  հնչեց  ՀՀ  օրհներգը:  Արարողությունը  եզրափակվեց  սովորողների  հանդիսավոր  երթով: