Հոկտեմբերի 4-ին կրթահամալիրի պետի, տեղակալների և ստորաբաժանումների ղեկավարների մասնակցությամբ տեղի ունեցավ ծառայողական պարտականությունները բարեխղճորեն և բարձր պատասխանատվությամբ կատարելու, օրինականության ամրապնդման, հանցավորության դեմ պայքարի, հասարակական կարգի ապահովման և մարտական պատրաստականության գործում բարձր ցուցանիշներ ապահովելու համար, ինչպես նաև ի նշանավորումն Անկախության տոնի, Ներքին գործերի նախարարի և ՆԳՆ ոստիկանության պետ - ներքին գործերի նախարարի տեղակալի հրամաններով խրախուսված կրթահամալիրի ծառայողների պարգևատրման հանդիսավոր արարողությունը։ 

Կրթահամալիրի պետ, ոստիկանության գնդապետ Մ․Մուրադյանը շնորհավորեց խրախուսման արժանացած ծառայողներին, ապա՝ հանդիսավոր կերպով հանձնեց պարգևները։

«Օրենքի պատվար» մեդալով պարգևատրվել է

ուսումնական կենտրոնի ընդհանուր պատրաստականության կրթաճյուղի պետ, ոստիկանության գնդապետ Արմենակ Ալեքսանյանը, 

«Իրավակարգի ամրապնդման համար» մեդալով՝

ուսումնամեթոդական և զարգացման վարչության ուսումնական  գործընթացի կազմակերպման և վերահսկման բաժնի պետի տեղակալ, ոստիկանության փոխգնդապետ Տաթևիկ Թևոսյանը, 

Հայաստանի Հանրապետության ոստիկանության պատվոգրով՝

գնումների խմբի ավագ տեսուչ, ոստիկանության մայոր Սոնա Մկրտչյանը, 

«Ոստիկանությունում գերազանց ծառայության համար» կրծքանշանով՝

ակադեմիայի պետության և իրավունքի տեսության և սահմանադրական իրավունքի ամբիոնի դասախոս, ոստիկանության փոխգնդապետ Աղավնի Կարապետյանը։