2018 թվականի սեպտեմբերի 19-ին տեղի ունեցավ ՀՀ ոստիկանության կրթա­համա­լիրի ա­կադեմիայի իրավագիտության ֆակուլտետի պետության և իրավունքի տեսու­թյան և սահ­մանադրական իրավունքի ու վարչական իրավունքի և ոս­տի­կա­նու­թյան վարչական գոր­ծունեության ամբիոններին կից գործող պետաիրավական ա­ռար­կա­ների գիտական խմբակի 2018-2019 ուստարվա առաջին նիստը, որն անցկացվեց կլոր սեղան-քննարկման ձևաչափով: Քննարկումը նվիրված էր Հայաստանի Հանրապետության անկախության հանրաքվեի 27-րդ տարեդարձին:

Նիստին ներկա էին կրթահամալիրի ակադեմիայի իրավագիտության ֆա­կուլ­տետի պետության և իրա­վունքի տե­սու­թյան և սահմանադրական իրավունքի ամ­բիո­նի դոցենտ, ոստիկանության փոխգնդապետ Ա. Սաֆարյանը, ուսումնական ասիստենտ, ոստի­կա­նու­թյան կապիտան Ա. Մարգարյանը, քաղաքացիական իրավունքի և քաղաքացիական դա­տավարության ամբիոնի ավագ դասախոս, ոստիկանության փոխ­գնդապետ Մ. Մա­նուկ­յանը, կրթահամալիրի գիտական աշխատանքների բաժնի գիտաշ­խատող, ոս­տի­կա­նու­թ­յան լեյտենանտ Մ. Խերան­յանը:

Գիտական խմբակի նիստի թեման էր՝ ՀՀ անկախացման պատմաիրավական աս­պեկտները:

Ողջույնի խոսքով հանդես եկավ Ա. Սաֆարյանը: Նա անդրադարձավ անկա­խաց­ման գործընթացի սահմանադրական նշանակությանը Հայաստանի Երրորդ Հան­րա­պե­տության պետականաշինության տեսանկյունից, ընդգծեց նշված գործընթացում հանրա­քվեի՝ որպես ժողովրդի կամքի անմիջական արտահայտման իրավական եղա­նա­կի կա­րևորությունը:

Այնուհետև «Հայաստանի անկախացման պատմական ասպեկտները» թե­մայով գի­տական զեկույցով հանդես եկավ պետաիրավական առարկաների գիտական խմբակի ա­վագ, ՀՀ ոստիկանության կրթահամալիրի ակադեմիայի իրավագիտության ֆակուլտետի առկա անվճար ուսուցման բակալավրիատի 4-րդ կուրսի սովորող Մ. Հակոբյանը: Նա ներ­կայացրեց անկախացման գործընթացի պատմական նախադրյալները, վերլուծեց գոր­ծըն­թացի հասունացումը պայմանավորող գործոնների համալիրը:

Գիտական խմբակի անդամ, ՀՀ ոստիկանության կրթահամալիրի ակադեմիայի ի­րավագիտության ֆակուլտետի առկա անվճար ուսուցման բակալավրիատի 3-րդ կուրսի սովորող Ս. Մկրտչյանը ներ­կա­յա­ցրեց «Հայաստանի անկախացման իրավական աս­պեկտները» խորագրով գիտական զե­կույց: Նա անդրադարձավ անկախացման ի­րա­վա­կան հիմնախնդիրներին, ներկայացրեց անկախության հանրաքվեի կազմակերպման և անցկացման առանցքային հարցադրումները և դրա արդյունքների իրավական նշանա­կությունը:

Գիտական նյութի ներկայացումից հետո նիստի մասնակիցների կողմից զե­կու­ցող­նե­րին ուղղվեցին հարցեր, որոնց տրվեցին սպառիչ պատասխաններ, կազմա­կերպ­վեց մտքերի փոխանակություն և միջոցառման արդյունքների քննարկում: