Ապրիլի 18-ին ՀՀ ոստիկանության կրթա­համալիրի ակա­դե­մի­այի ՕՀԳ և քրեագիտության ամբիոնի դոցենտ, ոս­տի­­կանության գնդապետ Ա. Սահակյանը և ՀՀ ոստիկանության ՀԱԱԳՎ-ի ԱՀ և ԸԲԿ վարչության ՀԿՀ ավագ տեսուչ, ոստիկա­նության գնդապետ Հ. Բաբայանը Հայաստանի օգնության ֆոնդի (ՀՕՖ) երեխա­ների աջակցության կեն­տրոնում ՀՀ ոստիկանության կրթահամալիրի քոլեջի միջին մասնագիտական կրթության 2-րդ կուրսի սովորողների հետ անցկացրին «Ընտանիքում բռնության և անչափահասների կողմից կատարվող իրավախախտումների կանխարգե­լումը» մոդուլի գործնական պարապմունքը:

Գործնական պարապմունքի ժամանակ սովորողներին ներկայացվեցին այն հանգամանքները, որոնք պատճառ են դառ­նում ՀՕՖ-ի երեխա­ների աջակցության կենտրոնում անչափահասների հայտնվելուն: Դրանք առավելապես ընտա­նիք չունեցող, անապաստան մնացած, լքված, մուրացկանությամբ զբաղվող կամ բռնու­թյան ենթարկված երեխաներ են, որոնց մոտ ի հայտ են եկել նաև վարքագծի շեղումներ: Սո­վորողների ուշադրությունը հրավիրվեց այն բանի վրա, որ կենտրոնում տրամադրվում են տարբեր ծառայություններ՝ ոստիկանության իրավական և շտապ արձա­գանք­ման, բուժօգնություն, հոգեբանական աջակցություն, հակասթրեսային թերապիա և այլն: Կենտրոնի երեխաների հետ շփվելիս սովորողները դրսևորեցին անչափահասների հետ հա­ղոր­դակցման որոշակի հմ­­­տու­թյուն­ներ, որոնք ձեռք են բերվել մոդուլի դասավանդման ընթացքում:   

Սովորողները տեղում համոզվեցին ոստիկանության ծառայողի՝ տվյալ գործընթացում ունեցած առանցքային դերակատարման մեջ: