Սույն թվականի hոկտեմբերի 24-ին ՀՀ ոստիկանության կրթահամալիրի ակա­դեմի­այի իրավա­գիտության ֆակուլտետի բակալավրիատի առկա անվճար ուսուցման 4-րդ կուրսի սովորողների «Անչափահասների կողմից կատարվող իրա­վա­խախտումների պրոֆիլակտիկա» առար­կայի գործնական պարապմունքը` ՀՀ ոստիկանության կրթա­համալիրի ակա­դե­մի­այի իրավա­գիտության ֆակուլտետի ՕՀԳ և կրիմինալիստիկայի ամբիոնի դոցենտ, ոս­տի­­կանության գնդապետ Ա.Սահակյանը անկացրեց Հայաստանի օգնության ֆոնդի երեխա­ների աջակցության կեն­տ­րոնում:

Գործնական պարապմունքի ընթացքում կենտրոնի տնօրեն Մ.Անտոնյանը սովորողներին ծանոթացրեց կենտ­­րո­նի ստեղծման պատմությանը, երեխաների հետ հոգեբանների և մանկա­վարժ­ների կող­մից տարվող աշխատանքներին, ինչ­պես նաև նրանց հետ իրականացվող ուսումնական ծրագրերին: 

ՀՀ ոստիկանության ՔՀԳ վարչության 3-րդ վարչության՝ անչա­փա­հաս­ների հետ տարվող աշխատանքների բաժանմունքի պետ, ոստիկանության փոխգնդապետ Հ.Բաբայանը և նույն բաժանմունքի ավագ տեսուչ, ոստիկանության մայոր Հ.Ալեքսանյանը սովորողներին ներկայացրին այն հանգամանքները, որոնք պատճառ են դառ­նում անչափահասների կենտրոնում նրանց հայտնվելուն: Նրանք առավելապես ընտա­նիք չունեցող, անապաստան մնացած, լքված, մուրացմանությամբ զբաղվող կամ բռնու­թյան ենթարկված երեխաներ են, որոնց մոտ ի հայտ են եկել նաև վարքագծի շեղումներ: Սո­վորողների ուշադրությունը հրավիրվեց այն բանի վրա, որ կենտրոնում տրամադրվում են տարբեր ծառայություններ՝ ոստիկանության 24-ժամյա իրավական և շտապ արձա­գանք­ման ծառայություն, բուժօգնություն, հոգեբանական աջակցություն, հակասթրեսային թերապիա և այլն:

Սովորողները տեղում համոզվեցին թե որքան կարևոր է ոստիկանության աշխատակիցների դերակատարումը տվյալ գործընթացում։