2024թ. հունիսի 4-ին ՆԳՆ կրթահամալիրում Հայկական Կարմիր խաչի սոցիալ-առողջապահական բաժնի մասնագեներն Ավստրիական զարգացման գործակալության կողմից ֆինանսավորվող «Համաճարակային պատրաստվածություն և արձագանք համավարակներին Հայաստանում և Վրաստանում» ծրագրի շրջանակներում տեղեկատվական հանդիպում ունեցան Կրթահամալիրի պրոֆեսորադասախոսական և ուսանողական համակազմի ներկայացուցիչների հետ: Օրվա թեման էր՝ «Ինչպես լինել պաշտպանված վարակներից և կանխարգելել համաճարակները»: Հանդիպման ընթացքում քննարկվեցին համաճարակներից խուսափելու համար կիրառվող միջազգայնորեն ընդունված մի շարք կանոններ, որոնք անհրաժեշտ են ցանկացած մարդու բնականոն ապրելակերպ վարելու ընթացքում: