Մարտի ութի կապակցությամբ Կրթահամալիրում կազմակերպվել էր տոնական համերգ, որում ելույթ ունեցան ՀՀ վաստակավոր արտիստ Արսեն Գրիգորյանը (Մրո), էստրադային երգչուհի Լայանան, Ռոմանոս Մելիքյանի անվան պետական քոլեջի սաները, (Կառնավալ) պարային համույթի պարողները և Կրթահամալիրի սովորողները։ Այն կազմակերպել էր Կրթահամալիրի կադրերի և ԱՀՏԱ բաժնի ակումբի առաջատար մասնագետ Լ․Սահակյանը։

Միջոցառման ավարտին խոսքով հանդես եկավ Կրթահամալիրի պետ, ոստիկանության գնդապետ Մ․Մուրադյանը, ով, շնորհավորելով կանանց ու աղջիկներին, մաղթեց երջանկություն, հաջողություններ անձնական կյանքում և ընդգծեց, որ ոստիկանությունում ծառայող կանայք պետք է միտված լինեն հաջողության հասնելու բացառիկ ձգտմանը։