Հաղթանակի, խաղաղության ու Հանրապետության տոներին նվիրված միջոցառումների շրջանակներում 2019 թվականի մայիսի 3-ին հանդիպում կազմակերպվեց ՀՀ ոստիկանության կրթահամալիրի սովորողների և ՀՀ ոստիկանության Երևան քաղաքի վետերանների խորհրդի նախագահ, ոստիկանության պաշտոնաթող գնդապետ Գեղամ Օհանյանի և վետերանների խորհրդի անդամ, ոստիկանության պաշտոնաթող փոխգնդապետ Ռաֆայել Մեսրոպյանի հետ։ Կրթահամալիրի սովորողները մեծ ոգևորությամբ դիմավորեցին հյուրերին, որոնք պատմեցին իրենց անցած ուղու, ծառայության ընթացքում պատահած առանձնահատուկ դեպքերն ու իրադարձությունները։ Ռ. Մեսրոպյանն էլ ներկայացրեց իր բանաստեղծությունների ժողովածուն:

Հանդիպման ավարտին սովորողները խոստովանեցին, որ նմանատիպ հանդիպումները ոգեշնչում են էլ ավելի մեծ պատասխանատվությամբ և նվիրումով ծառայել հայրենիքին։