Նորություններ
ՎերադառնալԵՄ Տեխնիկական օժանդակման և տեղեկատվական փոխանակման (TAIEX) ծրագրի ներկայացուցիչների այցը կրթահամալիր
2019 թ. սեպտեմբերի 10-ին ՀՀ ոստիկանության կրթահամալիր էին ժամանել Եվրոպական միության տեխնիկական օժանդակման և տեղեկատվական փոխանակման (TAIEX) ծրագրի մարդկային ռեսուրսների պատասխանատու Լաուրի Տաբուրը և կրտսեր մասնագետ Կարմեն Գրլիցան։
Հյուրերին դիմավորեց ՀՀ ոստիկանության կրթահամալիրի ղեկավար կազմը` կրթահամալիրի պետ, ոստիկանության գեներալ-մայոր Մուշեղ Բաբայանի գլխավորությամբ։
Հանդիպմանը ներկա էին նաև Կրթահամալիրի պետի առաջին տեղակալ, ոստիկանության գնդապետ Տիգրան Եսայանը, կրթահամալիրի ակադեմիայի պետ, ոստիկանության գնդապետ Գագիկ Գրիգորյանը, ուսումնամեթոդական և զարգացման վարչության պետ, ոստիկանության գնդապետ Գագիկ Գևորգյանն ու նույն վարչության միջազգային համագործակցության և ՏՏ ներդրման բաժնի պետ, ոստիկանության փոխգնդապետ Գրիգորի Դավթյանը։
Կրթահամալիրի պետը հյուրերին ներկայացրեց կրթահամալիրում տեղի ունեցող գործընթացները, ուսումնական ծրագրերը և ուսումնական հաստատության կառուցվածքը։
Տեղի ունեցավ երկուստեք հետաքրքրություն ներկայացնող քննարկում, որի ընթացքում հյուրերը ծանոթացան ոստիկանությունում և մասնավորապես՝ կրթահամալիրում իրականացվող բարեփոխումներին։
Այնուհետև կրթահամալիրի պետի առաջին տեղակալ, ոստիկանության գնդապետ Տիգրան Եսայանի ուղեկցությամբ հյուրերը շրջայց կատարեցին կրթահամալիրի տարածքով, ծանոթացան ուսումնական հաստատության նյութատեխնիկական բազային, եղան սիմուլյացիոն և հատուկ նշանակության լսարաններում, ինչպես նաև այցելեցին ոստիկանության պատմության թանգարան։
Հանդիպման ավարտին Տիգրան Եսայանը շնորհակալություն հայտնեց հյուրերին այցելության համար և հույս հայտնեց, որ համագործակցությունը կունենա շարունակական բնույթ:
