Սույն թվականի նոյեմբերի 9-ին ՀՀ ոստիկանության կրթահամալիրի ակա­դե­մի­այի իրավա­գիտության ֆակուլտետի ՕՀԳ և կրիմինալիստիկայի ամբիոնի դոցենտ, ոս­տի­­կանության գնդապետ Ա.Սահակյանի ուղեկցությամբ «Անչափահասների կողմից կատարվող իրա­վա­խախտումների պրոֆիլակտիկա» առար­կայի շրջանակներում կազմակերպվեց ակադեմիայի իրավագիտության ֆա­կուլ­տետի 4-րդ կուրսի սովորողների այցելությունը Հայաստանի օգնության ֆոնդի /ՀՕՖ/ երեխա­ների աջակցության կեն­տ­րոն:

ՀՀ ոստիկանության ՔՀԳ վարչության 3-րդ վարչության՝ անչա­փա­հաս­ների հետ տարվող աշխատանքների բաժանմունքի պետ, ոստիկանության փոխգնդապետ Հ.Բաբայանը և նույն բաժանմունքի ավագ տեսուչ, ոստիկանության մայոր Հ.Ալեքսանյանը սովորողներին ներկայացրին այն հանգամանքները, որոնք պատճառ են դառ­նում կենտրոնում անչափահասների հայտնվելուն: Նրանք առավելապես ընտա­նիք չունեցող, անապաստան մնացած, լքված, մուրացկանությամբ զբաղվող կամ բռնու­թյան ենթարկված երեխաներ են, որոնց մոտ ի հայտ են եկել նաև վարքագծի շեղումներ: Սո­վորողների ուշադրությունը հրավիրվեց այն բանի վրա, որ կենտրոնում տրամադրվում են տարբեր ծառայություններ՝ ոստիկանության 24-ժամյա իրավական և շտապ արձա­գանք­ման ծառայություն, բուժօգնություն, հոգեբանական աջակցություն, հակասթրեսային թերապիա և այլն: Սովորողները տեղում համոզվեցին, որ ոստիկանության աշխատակիցները տվյալ գործընթացում ունեն առանցքային դերակատարում: