Վաղուց հայտնին իմանալը, նորը տեսնելը և դրանք գնահատելը  հենց դասավանդման մշակույթի անվիճելի բաղադրատարրերն են:

2018թ. դեկտեմբերի 18-ին ՀՀ ոստիկանության կրթահամալիրի պրոֆեսորադասախոսական  անձնակազմի հետ անցկացվեց մասնագիտական պարապմունք «Դասավանդման նշակույթ և դասավանդման ոճ» թեմայով, որը վարում էր ՀՀ ոստիկանության կրթահամալիրի ակադեմիայի ավագ դասախոս, ոստիկանության փոխգնդապետ Մ.Մանուկյանը:

Մասնագիտական պարապմունքին ներկա էին նաև ՀՀ ոստիկանության կրթահամալիրի պետ, ոստիկանության գեներալ-մայոր Մ. Բաբայանը, կրթահամալիրի ղեկավար կազմը, ինչպես նաև պրոֆեսորադասախոսական անձնակազմը:

Թեմայի շրջանակներում բանախոսն անդրադարձավ դասավանդման մշակույթին, մշակույթի բաղադրիչներին և մակարդակներին: Անձնակազմի  ուշադրությունը հրավիրվեց դասավանդման տակտի հատկանիշներին և կարևորվեց դասավանդման էթիկայի դերը դասավանդման և ընդհանրապես կրթական գործընթացներում: Ներկայացվեցին նաև դասավանդողների ոճերին ու տեսակները:

Բանախոսի ելույթից հետո տեղի ունեցավ քննարկում: