2018 թվականի դեկտեմբերի 19-ին անցկացվեց ՀՀ ոստիկանության կրթահամալիրի ակա­դե­միա­յի իրավագիտության ֆակուլտետի օպերատիվ-հետախուզական գործունեության և կրի­մի­նա­լիս­­տիկայի ու քրեական դատավարության ամբիոններին կից գիտական խմբակի 2018-2019 ու­սում­­­նական տարվա երրորդ նիստը՝ գիտական զեկույցի ձևաչափով:

Գիտական խմբակի նիստին մաս­նակցում էին ՀՀ ոստիկանության կրթահամալիրի ակա­դե­միայի իրա­վագիտության ֆա­կուլ­տե­տի ՕՀԳ և կրիմինալիստիկայի ամբիոնի դասախոսական կազ­մը, գի­տա­կան խմբակի ան­դամ­նե­րը, կրթահամալիրի գիտական բաժնի ներկայացուցիչը:

Գիտական խմբակի անդամները հանդես եկան զեկույցներով՝ «Դեպքի վայրի զննության ար­դյունք­ների ամրագրման առանձնահատկությունները» թեմայով: Զեկուցման ըն­թաց­քում սովորողներն անդ­­­րա­դար­ձան իրենց թեմաների առավել հետաքրքրություն ներ­կայացնող խն­դիր­նե­րին, պար­զա­բանեցին դեպքի վայրում իրականացվող աշխատանքների առանձնահատկություններն ըստ փու­լերի, դրան զուգահեռ՝ իրականացվող նախնական ՕՀՄ-երի նպատակները ու դրանց արդյունքների օգ­տագործումը զննության խնդիրները լուծելու գործում: Յուրաքանչյուր զեկուցողին զե­­կույ­­ցից հե­տո հարցեր տր­վեցին, որոնք քննարկվեցին ամբիոնի դա­սա­խոս­նե­րի և գի­տական խմ­բակի ան­դամ­նե­րի կող­մից: Գիտական խմբակի նիստն անցավ աշխույժ քննարկումների մթնոլորտում:

Ելույթ ունեցան ՀՀ ոստիկանության կրթահամալիրի ակադեմիայի իրավագիտության ֆա­կուլ­տե­տի բակա­լավ­րիատի 4-րդ կուրսի սովորողները՝ հետևյալ թեմաներով.

1. Մուղդուսյան Մհեր, «Դեպքի վայրի պահպանության հիմքերը և մարտավարական ա­ռանձ­նա­հատ­կությունները»,
2. Հակոբյան Մարի, «Դեպքի վայրում իրականացվող լուսանկարահանումը, կինոնկարա­հա­նու­մը և տե­սագրումը որպես ամրագրման միջոց»,
3. Սինդոյան Մաքսիմ, «Հարցաքննության արդյունավետության բարձրացման ուղիները­»,
4. Խաչատրյան Հայկ, «Նախնական օպերատիվ-հետախուզական միջոցառումները դեպ­քի վայրի զն­­նության զուգահեռ»: