Հոկտեմբերի 7-ին ՀՀ ՆԳՆ կրթահամալիրում տեղի ունեցավ քոլեջի 1-ին կուրսի սովորողների «Ոստիկանության ծառայողի երդման» հանդիսավոր արարողությունը։ Ներկա էր ՀՀ ՆԳՆ կրթահամալիրի ղեկավար կազմը՝ կրթահամալիրի պետ, ոստիկանության գնդապետ Մ. Մուրադյանի գլխավորությամբ։

   Սովորողները եռագույնի ներքո մեծ ոգևորությամբ և խանդավառությամբ հանդիսավոր կերպով երդվեցին հավատարիմ լինել ՀՀ սահմանադրական կարգին, անվերապահորեն ղեկավարվել օրենքներով, պաշտպանել հայրենիքը, պահպանել պետական և ծառայողական գաղտնիքը, արդար և անկողմնակալ իրականացնել իրենց լիազորությունները, ազնիվ և բարեխիղճ կատարել ծառայողական պարտականությունները։ Արարողության ավարտին Մ. Մուրադյանը շնորհավորեց և բարի ծառայություն մաղթեց սովորողներին։