Պարեկային ծառայությունում պաշտոնի նշանակվելու նպատակով ուսուցման ընդունելության գործընթացի ընթացիկ արդյունքների և դասընթացների վերաբերյալ

(թարմացված)

    Ինչպես արդեն հայտնել էինք, սույն թվականի դեկտեմբերի 5-ին ընդունող հանձնաժողովի 5-րդ նիստում ամփոփվել են ՀՀ ոստիկանության պարեկային ծառայությունում պաշտոնի նշանակվելու նպատակով ուսուցման ընդունելության արդյունքները, որից հետո մեկնարկել է մրցույթով անցած 770 դիմորդների հետ պայմանագրերի կնքման գործընթացը:  

   Հայաստանի Հանրապետությունում հայտարարված ռազմական դրությամբ և COVID 19 համավարակով պայմանավորված՝ ոչ բոլոր դիմորդներն են հնարավորություն ունեցել կնքել պայմանագիր, և պայմանագրերի կնքման գործընթացը դեռ շարունակվում է:     Վերոգրյալով պայմանավորված՝ ընդունող հանձնաժողովի որոշմամբ պայմանագրերի կնքման գործընթացն կիրականացվի մինչև 2021 թվականի հունվարի 14-ը, և դասընթացները կմեկնարկեն հունվարի 18-ին:     

   Հավելյալ տեղեկատվության համար կարող եք կապվել հետևյալ հեռախոսահամարներով.   

- ՀՀ ոստիկանության կրթահամալիր – 010 770 981

- ՀՀ արդարադատության նախարարություն -010 594 178