2018թ. հոկտեմբերի 17-ից 19-ը Երևան քաղաքի «Դինամո» ՄՀԿ մարզահամալիրում անցկացվեց ՀՀ ոստիկանությունում սամբո ըմբշամարտի առաջնությունը:

Կրթահամալիրի թիմը, մարզիչ՝ քոլեջի մարտական, ֆիզիկական և ՀՏՊ ամբիոնի ավագ դասախոս, ոստիկանության փոխգնդապետ Ալբիկ Մինասյանի գլխավորությամբ և ներկայացուցիչ՝ ամբիոնի ավագ դասախոս, ոստիկանության փոխգնդապետ Էդգար Պողոսյանի մասնակցությամբ,   գրավեց պատվավոր առաջին հորիզոնականը:

Անհատական պայքարում կրթահամալիրի սամբոյի թիմի ութ մարզիկները գրավեցին հետևյալ մրցանակային տեղերը.

Առաջին մրցանակային տեղերն զբաղեցրին․

-         57 կգ քաշային կարգում առաջին հորիզոնականը գրավեց ՀՀ ոստիկանության կրթահամալիրի ակադեմիայի 1-ին կուրսի սովորող, ոստիկանության սերժանտ Հակոբ Լևոնի Քոչարյանը,

-          82 կգ քաշային կարգում` կրթահամալիրի ուսումնական կենտրոնի ավագ տեսուչ, ոստիկանության ավագ լեյտենանտ Դավիթ Սամվելի Խաչատրյանը,

Երկրորդ մրցանակային տեղերն զբաղեցրին․

-          74 կգ քաշային կարգում՝  ՀՀ ոստիկանության կրթահամալիրի ակադեմիայի 1-ին կուրսի սովորող, ոստիկանության կրտսեր սերժանտ Վահագն Վիրաբի Թախթարյանը,

-         100 կգ քաշային կարգում` կրթահամալիրի քոլեջի երկրորդ կուրսի սովորող, ոստիկանության սերժանտ Հայկ Ռոմանի Մելիքյանը, իսկ 100+ կգ քաշային կարգում`կրթահամալիրի քոլեջի երկրորդ կուրսի սովորող, ոստիկանության սերժանտ Վազգեն Վարուժանի Աղաբեկյանը:

Երրորդ մրցանակային տեղերն զբաղեցրին․

-  62 կգ քաշային կարգում՝ քոլեջի առաջին կուրսի սովորող, ոստիկանության ենթասպա Վիլեն Երվանդի Մարգարյանը, ինչպես նաև  քոլեջի առաջին կուրսի  սովորող, ոստիկանության ավագ սերժանտ Արայիկ Անդրանիկի Ղազարյանը,

-          68 կգ քաշային կարգում` կրթահամալիրի քոլեջի երկրորդ կուրսի երկրորդ դասակի սովորող, ոստիկանության ավագ սերժանտ Սարգիս Բենիկի Գաբրիելյանը:

Թիմային 2-րդ տեղը գրավեց Արցախի Հանրապետության ոստիկանության, 3-րդը` Արարատի մարզային վարչության թիմերը:

Հաղթողները պարգևատրվեցին դիպլոմներով և դրամական պարգևներով: