Ապրիլի 27-ին տեղի ունեցավ ՌԴ ՆԳՆ Կրասնոդարի համալսարանի կազմակերպած «Դեստրուկտիվ համայնքներում երիտասարդության ներգրավման պրոֆիլակտիկա» թեմայով միջազգային կլոր-սեղան առցանց քննարկում: Քննարկմանը մասնակցում էին ԱՊՀ երկրների շուրջ 8 բուհերի սովորողներ:

ՀՀ ոստիկանության կրթահամալիրից մասնակցում էր ակադեմիայի իրավագիտության ֆակուլտետի բակալավրիատի առկա անվճար ուսուցման երկրորդ կուրսի սովորող, ոստիկանության սերժանտ Արմեն Աղաբեկյանը՝ ներկայացնելով «ՀՀ-ում դեստրուկտիվ համայնքներում երիտասարդության ներգրավման պրոֆիլակտիկա» թեմայով զեկույցը: Աշխատության գիտական ղեկավարն է ՀՀ ոստիկանության կրթահամալիրի քոլեջի լեզուների ամբիոնի դոցենտ, մանկավարժական գիտությունների թեկնածու, ոստիկանության փոխգնդապետ Գալինա Ռուսակովան:

Ա. Աղաբեկյանն իր ելույթում առանձնացրեց ՀՀ-ում գործող դեստրուկտիվ համայնքների տեսակները՝ ներառելով նաև համացանցը:  Անդրադարձավ երիտասարդների վրա այդ կառույցների հոգեբանական բացասական ազդեցությանը, հետևանքներին և դրանց կանխման պրոֆիլակտիկային: Առաջարկեց նաև այն հակակշիռները, որոնք կպաշտպանեն երիտասարդներին դեստրուկտիվ կառույցների բացասական ազդեցություններից և՛ համացանցում, և՛ իրական կյանքում:

          Ելույթն արժանացավ դրական արձագանքների: