Սեպտեմբերյան այգաբացի հետ մեկտեղ ՀՀ ոստիկանության կրթահամալիր մտավ նաև  նոր ուսումնական տարին:

Ուսումնական տարվա առաջին օրն է այսօր: Միջանցքներում լսելի են ուսանողների ոտնաձայները, անմիջապես նկատելի են լսարանի համարներն ուշադիր ու հարցական հայացքներով զննող առաջին կուրսեցիները: Նրանք շտապում են գտնել իրենց դասախոսներին, համակուրսեցիներին, ում հետ դպրության, գիտելիքի, կրթության, մասնագիտական հմտության, իմաստության ու կյանքի մի ամբողջ ճանապարհ են կերտելու:

Մաղթում ենք կրթահամալիրի սովորողներին և դասախոսներին ջանասիրությամբ  և ջերմեռանդությամբ սկսել նոր ուսումնական տարին, քանի որ ուսման ընթացքում ձևավորվում է ոչ միայն բարեխիղճ, հմուտ և գիտելիքներով հարուստ մասնագետը, այլև հայրենասեր և օրենքին նվիրված Հայ Մարդը: