Սույն թվականի մարտի 31-ին ՀՀ ՆԳՆ կրթահամալիրում տեղի ունեցավ նոր կազմով ուսանողական խորհրդի առաջին նիստը, որի ընթացքում քննարկվում էր երկու հարց՝ գիտական խորհրդում ընտրելու նպատակով ՀՀ ՆԳՆ կրթահամալիրի կառավարման խորհրդի կազմում ընդգրկվող ուսանողների թեկնածության առաջադրում և առաջիկա կիսամյակի ընթացքում իրականացվող միջոցառումների պլանի կազմումն ու առանձին հանձնաժողովների ձևավորումը:  

   Քննարկման արդյունքում որոշվեց ՀՀ ՆԳՆ կրթահամալիրի կառավարման խորհրդի կազմում ընդգրկվող ուսանողների թեկնածության առաջադրման համար գիտական խորհրդի հաստատմանը ներկայացնել հինգ թեկնածություն, որից երեքը կընտրվեն որպես կառավարման խորհրդի անդամ:

   Օրակարգային 2-րդ հարցի քննարկման արդյունքում ձևավորվեց երկու հանձնաժողով, տարբեր միջոցառումների նախաձենման և իրականացման համար հնչեցին առաջարկություններ: Ուխ նախագահ Գ. Բաբաջանյանը նշեց, որ բոլոր առաջարկները կհամակարգվեն և առաջիկա ուսանողական խորհրդի նիստի ընթացքում ծրագրի տեսքով կներկայացվեն հաստատման: